2017 оны 9 дүгээр сарын 3-р арав хоногийн ХААЦУ-н тойм мэдээ

2017 оны 9-р сарын 3-р арав хоногийн

цаг агаарын тойм

        2017 оны 09-р сарын 30

Агаарын температур: Энэ арав хоногт агаарын дундаж температур ихэнх нутгаар 0-5 градус дулаан, зарим нутгаар буюу дөрвөлжин, Ургамал сумдын нутгаар 6 градус дулаан, Өдөртөө ихэнх нутгаар 10-15 градус дулаан, говь талын нутгаар 16-22 градус хүрч дулаарсан бол шөнөдөө нийт нутгаар 7-13 градус хүйтэн, хамгийн хүйтэн нь Отгон суманд 16 градус хүрч хүйтэрсэн,  агаарт 30 градусаас давж халсан өдрийн тоо  ажиглагдаагүй

Хөрсний температурын хувьд: Өдөртөө ихэнх нутгаар 30-35 градус дулаан, хангайн уулархаг нутгаар 18-24 градус дулаан, говийн нутгаар 36-38 градус дулаан, шөнөдөө нийт нутгаар 9-14 градус хүйтэн Цэцэн-уул, Отгон, Цагаанчулуут, Шилүүстэй сумдын нутгаар 15-17 градус хүрч хүйтрэв.

Хур тунадас: Энэ арав хоногт нийт нутгаар бороо орж  0,0-16,0 мм тунадас орсон. Хамгийн их нь Баянтэсд 16,0мм, Цэцэн-уулд 10,3мм, Тосонцэнгэлд 13,2мм, Их-уулд 14,8мм, Сонгинод 13,9мм тунадас орсон байна.

Салхи: Энэ арав хоногт салхины хүч ихэнх нутгаар 10-15 м/с, зарим үед түр зуур ширүүсч өрөвхийлэлтээр 16-22 м/с хүрч  салхиласан Сонгино суманд 6 м/с салхитай байлаа. 10м/с-ээс дээш салхитай өдрийн давтагдал 1-7 удаа ажиглагдсан.

Бэлчээрийн ургамлын ургалтын байдал: Ихэнх нутгаар бэлчээрийн ургамал хаталт хагдралтын үе шат эхэлсэн, зарим нутгаар дахин хэнзлэлт явагдаж байна. Бэлчээрийн ургамал дундаж өндөр 2-15 см байна.

Хөдөө аж ахуйн үйлдвэрлэлд:  МАА-н үйлдвэрлэлд мал оторлох, хадлан тэжээл бэлдэх ажлууд үргэлжилж байна.  Бүх сумдаар малын усан хангамж сайн. Малын  тарга хүч сайн. Намаржилтын байдал сайн байна. 

Тойм бичсэн: ХААЦУ-ын ахлах техникч М.Өсөхбаяр