Урьдчилсан мэдээ > Сарын төлөв

Сарын төлөв

Шинэчлэгдсэн: 2021-09-16 22:01:35

Завхан аймгийн Ус цаг уур, орчны шинжилгээний төв

2021-08-31

Утас: 70462103, 89332103, 92065586                                                                                                                        Факс: 70462206

Вэб хуудас : http://www.Zavkhan,tsag-agaar.gov.mn/                                   e_mail: tsaguur_za@yahoo.com

 

2021 ОНЫ 9 ДҮГЭЭР САРЫН ЦАГ АГААРЫН УРЬДЧИЛСАН ТӨЛӨВ

Цаг уурын байгууллагын санал болгосноор 30-аас доошгүй жилийн дундаж утгыг олон жилийн дундаж (ОЖД) гэдэг.

Монгол орны хувьд цаг уурын хэмжигдэхүүний ОЖД гэдэгт 1991-2020 оны хоорондох дундаж утга гэж ойлгоно.

УУР АМЬСГАЛЫН ТОЙМ. Есдүгээр сарын агаарын температурын ОЖД нь нутгийн зүүн өмнөд хэсгээр 0…+4°C, говь талын нутгаар +14...+18°C, бусад нутгаар +5...+13°C дулаан байдаг байна. Сарын нийлбэр хур тунадас Хангайн уулархаг нутгаар 25–35 мм, говь, талын нутгаар 0–5 мм, бусад нутгаар 5–25 мм ордог .

УРЬДЧИЛСАН МЭДЭЭГЭЭР: Энэ сард агаарын дундаж температур нийт нутгаар ОЖД–аас дулаан /Зураг 1/.

 Нэг, хоёрдугаар арав хоногийн дунд үе, гуравдугаар арав хоногийн сүүлчээр агаарын температур өмнөх үеэсээ 3–5°С–аар сэрүүснэ. Харин хоёрдугаар арав хоногийн эхээр ихэнх нутгаар 5–10°С-аар дулаарна. 

Хур тунадас: Нутгийн баруун хэсгээр ОЖД–аас бага, бусад нутгаар дунджийн орчим байна / Зураг 2/.

Нэгдүгээр арав хоногийн эхэн ба дунд үе, хоёрдугаар арав хоногийн дунд үе, гуравдугаар арав хоногийн сүүлчээр ихэнх нутгаар хур тунадас, зарим газраар нойтон цас орно.

Салхи: Зарим газраар 12–14 м/с, зарим үед түр зуур 16–18 м/с хүрч ширүүсч болзошгүй.

ЗӨВЛӨМЖ

Есдүгээр сард агаарын температур нийт нутгаар олон жилийн дунджаас дулаан байна. Хур тунадас Их нуруудын хотгороор олон жилийн дунджаас бага, бусад нутгаар олон жилийн дунджийн орчим  орох төлөвтэй байна. 

Мөн нэг болон хоёрдугаар арав хоногийн дунд үеэр ихэнх нутгаар хур тунадастай байгаа боловч нэгдүгээр арав хоногийн сүүлч, хоёрдугаар арав хоногийн эхээр болон гуравдугаар арав хоногийн ихэнх хугацаанд харьцангуй хур тунадас багатай байх төлөвтэй байна. Харин бусад нутгаар сарын эхний хагаст энэ сард орох хур тунадасны ихэнх хувь орох магадлал өндөр байгаа бөгөөд сарын сүүлийн хагаст хур тунадас харьцангуй бага байх магадлалтай. Иймд дээрх хур тунадас багатай хугацаанд малчид тариаланчид хадлан бэлчээрээ бэлтгэж, тариа ногоогоо хураан, өвлийн бэлтгэлээ хангахыг зөвлөж байна.

Мэдээ бичсэн: МҮХ-ийн дарга, ахлах синоптик инженер Д.Алзахгүй