Урьдчилсан мэдээ > Улирлын төлөв

Улирлын төлөв

Шинэчлэгдсэн: 2024-12-11 19:37:31

2024 оны 11 дүгээр сарын 01   
Вэб хуудас : http://www.Zavkhan,tsag-agaar.gov.mn/                                   Цахим хуудас: Завхан Ус цаг агаар, орчны мэдээ мэдээлэл
                                                                                                           Утас: 92065586                                                                                            
 
2024 ОНЫ XI-2025 ОНЫ II ДУГААР САРУУДЫН ЦАГ АГААРЫН УРЬДЧИЛСАН ТӨЛӨВ
 Ус Цаг Уур, Орчны Судалгаа, Мэдээллийн Хүрээлэн (УЦУОСМХ)-ийн Цаг агаар, Орчны, Тоон загварчлал, Судалгааны Хэлтэс (ЦАОТЗСХ)-ээс 2024 оны 12 дугаар сараас 2025 оны 2 дугаар сар хүртэлх урьдчилсан төлөвийг тооцоолон танд хүргэж байна.
Урьдчилсан төлөвийг Цаг агаар (weather.gov.mn) цахим хуудсанд сар бүрийн 28-нд шинэчлэн гаргадаг тул хэрэглэгч та бүхэн тухай бүрд нь шинэчилсэн мэдээг ашиглаж байна уу.
Дэлхийн Цаг Уурын Байгууллага (ДЦУБ)-аас тогтоосноор олон жилийн дундаж (ОЖД) утга гэдэгт 1991–2020 оны хоорондох тухайн цаг уурын хэмжигдэхүүний дундаж утгыг авч үздэг.
Улирлын төлөвийн талаар лавлах шаардлагатай бол УЦУОСМХ-ийн 11–326606 утсаар холбогдох болон тус хүрээлэнгийн ЦАОТЗСХ-ээс тодруулах боломжтой.
Арванхоёрдугаар сард. Сарын дундаж агаарын температур ОЖД–аар нутгийн хойд, зүүн хэсгээр -26...-29°С, бусад нутгаар
 -20...-25°С хүйтэн байдаг.
12 дугаар сарын агаарын дундаж температур нийт нутгаар ОЖД–аас хүйтэн байх төлөвтэй байна (Зураг 3б)
 
 
Сарын нийлбэр хур тунадас ОЖД–аар нутгийн баруун хэсгээр 0-2мм, бусад нутгаар 3-6мм ордог. 12 дугаар сарын нийлбэр хур тунадас манай аймгийн нийт нутгаар ОЖД–н орчим орох төлөвтэй байна (Зураг 2б).
Нэгдүгээр сард. Сарын дундаж агаарын температур ОЖД–аар нутгийн хойд, зүүн хэсгээр -26…-32°C хүйтэн, нутгийн баруун хэсгээр -22...-24°C, бусад нутгаар -24...-26°C хүйтэн байдаг. 01 дүгээр сарын агаарын дундаж температур нийт нутгаар ОЖД–аас хүйтэн байх төлөвтэй байна (Зураг 5в).
 
Сарын нийлбэр хур тунадас ОЖД–аар нутгийн зүүн өмнөд хэсгээр 2–3 мм, бусад нутгаар 0–2 мм ордог .1 дүгээр сарын нийлбэр хур тунадас нийт нутгаар ОЖД–аас ахиу орох төлөвтэй байна (Зураг 4б)
Хоёрдугаар сард. Сарын дундаж агаарын температур ОЖД–аар нутгийн хойд, зүүн хэсгээр -26…-30°C хүйтэн, нутгийн баруун хэсгээр -20...-24°C, бусад нутгаар -22...-26°C хүйтэн байдаг. 02 дугаар сарын агаарын дундаж температур нийт нутгаар ОЖД–аас хүйтэн байх төлөвтэй байна (Зураг 5б).
 
Сарын нийлбэр хур тунадас ОЖД–аар нутгийн зүүн өмнөд хэсгээр 2–4 мм, бусад нутгаар 0–2 мм ордог .2 дугаар сарын нийлбэр хур тунадас нийт нутгаар ОЖД–н орчим орох төлөвтэй байна (Зураг 6б)
 
Зөвлөмж
 
2024 оны арванхоёрдугаар сар, 2025 оны нэг, хоёрдугаар саруудад манай аймгийн нийт нутгаар олон жилийн дунджаас хүйтэн, 2025 оны нэгдүгээр сард ахиу цас орох төлөв ажиглагдаж байгаа тул цаг агаарын аюулт болон гамшигт үзэгдлээс урьдчилан сэргийлэхийн тулд өдөр бүрийн цаг агаарын мэдээг хүлээн авч ашиглахын зөвлөж байна.