Цаг уурын мэдээ > Хөдөө аж ахуйн цаг уурын тойм

2022 оны 6 дугаар сарын дунд арав хоногийн ХААЦУ-ын тойм мэдээ

Шинэчлэгдсэн: 2022-06-30 09:11:37

                                                 2022 оны 6-р сарын 2-р арав хоногийн

цаг агаарын тойм

    2022 оны 6-р сарын 21

Агаарын температур(Air temperature): Нийт сумдын нутгаар агаарын дундаж температур 14.8 … 23.0 градус дулаан, хамгийн их температур өдөртөө 28 - 34 градус дулаан, хамгийн бага температур шөнөдөө 5 градус хүйтнээс 6 градус дулаан байлаа. Хамгийн их хүйтрэлт  Цэцэн-уул сумд -5 градус, Отгон, Идэр сумдад -4 градус, Яруу сумд -3 градус хүрч хүйтэрсэн байна.

Хөрсний температур(Soil temperature): Энэ арав хоногт нийт нутгаар хөрсний дундаж температур 21 ... 31 градус дулаан, хамгийн их температур өдөртөө 58 - 63 градус дулаан, хамгийн бага температур шөнөдөө 6 градус хүйтнээс 4 градус дулаан байлаа. Хамгийн их хүйтэн нь  Цэцэн-уул, Отгон сумдад 6 градус хүйтэн байлаа.

Хур тунадас(Precipitаtion) Энэ арав хоногт нийт нутгаар их бага хэмжээний хур тунадас 1-7 хоног орж 0.0-15.6 мм тунадас унасан байна. Хамгийн их нь Баянтэс сумд 15.6 мм, Тэс сумд 14.1 мм орсон бол  Дөрвөлжин, Алдархаан, Цагаанхайрхан, Цагаанчулуут, Шилүүстэй, Яруу  сумдад  0.0 мм тунадас орсон байна.

Салхи(Wind): Нийт нутгаар салхи ихтэй, салхины  дундаж их хурд  6-18 м/с, зарим сумдын нутгаар түр зуур өрөвхийлэлтээр 20-24 м/с хүрсэн бол хамгийн их нь Улиастай, Отгон сумд 24м/с, Нөмрөг, Алдархаан, Их-Уул сумд 20 м/с  хүрч өрөвхийлсэн  байна.

Бэлчээрийн ургамлын ургалтын байдал: Нийт нутгаар бэлчээрийн ургамлын цухуйлтын үе шат жигдэрч, зарим үетэн ургамлын түрүүлэлт залаалалтын үе шат ажиглагдаж, ургамлын дундаж өндөр 4-14 см  байна. Дөрвөлжин сумд монгол сонгино цухуйгаагүй.  Нийт нутгаар ургамлын ургалтын байдал дунд буюу сайн үнэлгээтэй байна.

МАА-н үйлдвэрлэлд:. Малчид хонь ноослох болон бусад ажил явагдаж байна. Цаг агаарын байдал тохиромжтой.

Тойм бичсэн ХААЦУ-ын ахлах техникч М.Өсөхбаяр