2024 оны 11 дүгээр сарын сүүлийн арав хоногийн ХААЦУ-ын тойм

                                                                       2024 оны 11 дүгээр сарын 3 дугаар арав хоногийн

цаг агаарын тойм

    2024 оны 12-р сарын 01

Агаарын температур(Air temperature): Нийт сумдын нутгаар агаарын дундаж температур -11.6 ... -25.1 градус хүйтэн, хамгийн их температур өдөртөө 4 градус дулаанаас -10 градус хүйтэн байсан бол хамгийн бага температур шөнөдөө нийт нутгаар -21 ... -35 градус хүйтэн байлаа. Хамгийн хүйтэн нь Отгон сумд -35.0 градус, Тэс сумд -32.0 градус, Баянтэс  сумд -30.0 градус хүрч хүйтэрсэн байна.

Хөрсний температур(Soil temperature): Энэ арав хоногт нийт нутгаар хөрсний дундаж температур -11 ... -26 градус хүйтэн, хамгийн их температур өдөртөө 11 градус дулаанаас -11 градус хүйтэн, хамгийн бага температур шөнөдөө -22 ... -35 градус хүйтэн байлаа. Хамгийн хүйтэн нь Отгон сумд -35 градус, Тэс сумд -32.0 градус, Цэцэн-Уул сумд -31 градус, Баянтэс, , Баянхайрхан Түдэвтэй сумдад  -30.0 градус хүрч хүйтэрсэн байна.

Хур тунадас(Precipitаtion) Энэ арав хоногт нийт нутгаар 0.0 ... 2.7 мм тунадас орсон байна. Хамгийн их нь Тэс сумд 2.7 мм, Идэр сумд 1.1 мм тунадас орсон хамгийн бага нь Тосонцэнгэл, Улиастай, Отгон, Алдархаан, Их-уул, Сантмаргаз, Цагаанхайрхан сумдад 0.0мм тундас орсон.

Салхи(Wind): Нийт нутгаар салхи шуурга багатай салхины дундаж их хурд 6-15 м/с, хамгийн их нь Тосонцэнгэл  сумд 15 м/с, Эрдэнэхайрхан, Цагаанчулуут сумдад 14 м/с хүрч салхилсан байна.

Цасан бүрхүүл:  Аймгийн нутгаар 50 хувь нь цасан бүрхүүлтэй байна. Цасан бүрхүүл тогтсон сумдын цасны дундаж зузаан Отгон сумд  11 см, Цагаанчулуут сумд 7 см,  Баянхайрхан сумд 5 см, Тосонцэнгэл сумд 4см, Түдэвтэй, Тэс сумдад 3 см, Их-уул 2см, Нөмрөг, Цэцэн-уул, Идэр сумдад 1 см цастай.байна. Бусад сумдын нутгаар 1-4 баллын цасан бүрхүүлтэй. Цасны дундаж нягт Отгон сумд 0.22 г/см³,  Цагаанчулуут сумд  0.17 г/см³ ,  Баянхайрхан сумд 0.08 г/см³  байна. 

Отгон сумын Буянт, Баянбулаг багийн /хангай буюу зуслангийн/ нутгаар тэгш талдаа 20-30 см, хунгарласан хэсэгтээ болон гуу жалгандаа 50-80 см, Онц, Соёл багийн нутгаар тэгш талдаа 15-25 см, хунгарласан хэсэгтээ болон гуу жалгандаа 40-60 см зузаан цастай,

            Цагаанчулуут сумын Арц багийн дээд хэсэг, Шилүүстэй сумын Баян-улаан багийн /хангай буюу зуслангийн/ нутгаар 15-20 см, хунгарласан хэсэгтээ болон гуу жалгандаа 30-40 см зузаан цастай байна.

МАА-н үйлдвэрлэлд:. Нийт сумдын нутгаар өвөлжилт сайн Дөрвөлжин, Отгон сумдад отор нүүдэл хийгдэж  бусад сумдын нутгаар бусад ажил явагдаж байна.        

                                        ТОЙМ БИЧСЭН: ЦУОТХ-ИЙН ДАРГА, ХААЦУЕТИ    Д.УРАНЧИМЭГ