2024 оны 10 дугаар сарын дунд арав хоногийн ХААЦУ-ын тойм мэдээ

        2024 оны 10 дугаар сарын 2 дугаар арав хоногийн

цаг агаарын тойм

    2024 оны 10-р сарын 21

Агаарын температур(Air temperature): Нийт сумдын нутгаар агаарын дундаж температур -2.4 градус хүйтнээс 6.2 градус дулаан, хамгийн их температур өдөртөө 13 ... 21 градус дулаан байлаа. Хамгийн бага температур шөнөдөө нийт нутгаар -3 ... -17 градус хүйтэн байлаа. Хамгийн хүйтэн нь Цэцэн-уул сумд -17 градус, Нөмрөг, Сонгино сумдад -14 градус, Түдэвтэй сумд -13 градус хүйтэн байлаа.

Хөрсний температур(Soil temperature): Энэ арав хоногт нийт нутгаар хөрсний дундаж температур -6 градус хүйтнээс 8 градус дулаан, хамгийн их температур өдөртөө 26 ... 35 градус, хамгийн бага температур шөнөдөө -5 ... -18 градус хүйтэн байлаа. Хамгийн хүйтэн нь Цэцэн-Уул сумд -18 градус, Түдэвтэй сумд -17 градус хүрч хүйтэрсэн байна.

 Хур тунадас(Precipitаtion) Энэ арав хоногт нийт нутгаар  0.8 ... 24.7 мм тунадас орсон байна. Хамгийн их нь Цагаанчулуут сумд 24.7 мм, Цагаанхайрхан сумд 22.9 мм, Улиастай сумд 19.6 мм, Алдархаан сумд 17.3 мм, Түдэвтэй сумд 15.6 мм, Отгон сумд 15.4 мм, Шилүүстэй сумд 14.8 мм, Тосонцэнгэл, Сонгино сумдад 10.1 мм тунадас орсон бол хамгийн бага нь Тэс сумд 0.8 мм, Баянтэс сумд 1.8 мм, Баянхайрхан, Ургамал сумдад 2.3 мм тунадас орсон байна.

Салхи(Wind): Нийт нутгаар салхины дундаж их хурд 8-19 м/с салхилтай, хамгийн бага нь Идэр сумд 8 м/с, Тэлмэн сумд 10 м/с, Хамгийн их нь Дөрвөлжин, Улиастай сумдад 19 м/с, Завханмандал сумд 17 м/с хүрч шороон болон цасан шуурга шуурсан байна. Идэр сумаас бусад нутгаар 10 м/с-ээс их салхитай хоногийн тоо 1-7 өдөр байлаа.

Цасан бүрхүүл: Анхлан 18-аас 20-ны өдрүүдэд нийт нутгаар цас болон бороо холилдон орж зам даваа халтиргаа гулгаа ихтэй байна. Дөрвөлжин, Баянтэс, Тосонцэнгэл, Баянхайрхан, Их-Уул, Сантмаргаз, Ургамал сумдад цасан бүрхүүл тогтоогүй бусад нутгаар 20-ны  хээрийн цасны хэмжилтээр тэгш тал буюу уулын бэлдээ  0-18 см зузаан цастай, цасны дундаж нягт 0.09-0.16 гр/см³ байна. Хамгийн их нь Цагаанчулуут сумд 18 см, Түдэвтэй сумд 13 см, Отгон сумд 10 см, Эрдэнэхайрхан сумд 7 см, Сонгино сумд 6 см, Тэлмэн сумд 5 см, Улиастай, Цэцэн-Уул, Яруу сумдад 4 см, Алдархаан, Шилүүстэй сумдад 2 см, Нөмрөг, Идэр, Цагаанхайрхан сумдад 1 см зузаан, 5-10 баллын цасан бүрхүүлтэй байна.

МАА-н үйлдвэрлэлд:. Нийт сумдын нутгаар сааль сүү бэлтгэх, хадлан тэжээл бэлтгэх болон бусад ажлууд хийгдэж байна.         

                                               Тойм бичсэн: ХААЦУ-ын инженер М.Өсөхбаяр