2021 оны 7 дугаар сарын эхний арав хоногийн ХААЦУ-ын тойм

                                          2020 оны 7-р сарын 1-р арав хоногийн

цаг агаарын тойм

        2021 оны 7-р сарын 11

Агаарын температур(Air temperature): Нийт сумдын нутгаар агаарын дундаж температур 14.3-22.8 градус дулаан, хамгийн их температур өдөртөө 27-32 градус дулаан, хамгийн бага температур шөнөдөө 1-10 градус дулаан байлаа.

Хөрсний температур(Soil temperature): Энэ арав хоногт нийт нутгаар хөрсний дундаж температур 19-28 градус дулаан байсан бол хамгийн их температур ихэнх нутгаар 49-61 градус дулаан, хамгийн бага температур шөнөдөө 2 градусын хүйтнээс 7 градусын дулаан байлаа. Хамгийн хүйтэн нь Цэцэн-уул сумд 2 градус хүйтэн байсан байна.

Хур тунадас(Precipitаtion) Энэ арав хоногт ихэнх сумдын нутгаар 3-8 хоног их бага хэмжээний хур тунадас орж  7,0-42,3 мм тунадас орлоо. Хамгийн их нь Тэлмэн сумд 42,3мм, Нөмрөг сумд 39,4мм тунадас орсон бол хамгийн бага нь Ургамал сумд 7,0мм тунадас орлоо.

Салхи(Wind): Энэ 10 хоногт нийт нутгаар явган шороон шуургатай 10м/с их салхитай хоногийн тоо 1-7 хоног үргэлжилж,  салхины дундаж их хурд  6-12 м/с, зарим нутгаар түр зуур өрөвхийлэлт ажиглагдаж 16-20м/с хүрч ширүүссэн байна. Хамгийн их нь Ургамал сумд 22м/с, Улиастайд 21м/с, Томонцэнгэл, Отгон сумдад  20м/с хүрч өрөвхийлсэн  байна.

Ургамалжилтын байдал: Нийт нутгаар бэлчээрийн ургамлын үетэн ургамлуудын түрүүлэлт, залаалалт, цэцэглэлтийн  үе шат явагдаж  ургамлын дундаж өндөр 5-22см, ургамлын ургалтын байдал нийт нутгийн 60 орчим хувь нь сайн, 40 орчим хувь нь дунд буюу хэвийн үнэлгээтэй байна. Ихэнх нутгаар 5, 6 дугаар сард  халуун хуурай салхитай, хөрсний чийгийн хангамж муу байгаагаас хуурайшилт ихтэй ургамлын үе шат удаашралтай, гэмтэл ажиглагдаж  байна.

МАА-н үйлдвэрлэлд:. Нийт нутгаар хурга хяргах, мал оторлох ажил явагдаж байна. Цаг агаарын нөхцөл байдлаас шалтгаалан малын бэлчээрлэлт саатсан хоног байхгүй.

ТОЙМ БИЧСЭН ХЭЛТСИЙН ДАРГА, ХААЦУЕТ ИНЖЕНЕР  Д.УРАНЧИМЭГ