2020 оны 12 дугаар сарын сүүлийн арав хоногийн ХААЦУ-ын тойм

     2020 оны 12-р сарын 3-р арав хоногийн

цаг агаарын тойм

        2021 оны 01-р сарын 01

Агаарын температур(Air temperature): Нийт сумдын нутгаар агаарын дундаж температур 21.3…..35.1 градус хүйтэн, хамгийн их температур өдөртөө 7-15 градус хүйтэн, хамгийн бага температур шөнөдөө 33-50 градусын хүйтэн байлаа. Хамгийн хүйтэн нь Отгон сумд 50 градус, Баянтэс, Тэлмэн сумдад 48 градус, Цэцэн-уул, Тосонцэнгэл, Түдэвтэй сумдад 47 градус хүрч хүйтэрсэн. Агаарын дундаж температур нийт нутгаар олон жилийн стандарт  дунджаас хүйтэн харин Идэр, Түдэвтэй, Яруу сумдын нутгаар олон жилийн стандарт дунджийн орчим,  Тэс, Ургамал сумдын нутгаар  дулаан байсан байлаа.

Хөрсний температур(Soil temperature): Энэ арав хоногт нийт нутгаар хөрсний дундаж температур 22....35 градус хүйтэн байсан бол хамгийн их температур 3-12 градусын хүйтэн, хамгийн бага температур шөнөдөө 35-52 градусын хүйтэн  байлаа. Хамгийн хүйтэн нь Отгон сумд 52 градус, Түдэвтэй, Тэлмэн сумдөд 50 градус, Цэцэн-уул, Яруу сумдад 49.0 градус хүрч хүйтэрсэн байна.

Хур тунадас(Precipitаtion) Энэ арав хоногт нийт нутгаар 1-4 хоног хур тунадас орж  0,0-2,3 мм тунадас орлоо. Хамгийн их нь Цагаанхайрхан сумд 2,3мм тунадас орсон байна.  Олон жилийн стандарт дундажтай харьцуулахад: Ихэнх нутгаар бага, Цагаанхайрхан сумын нутгаар ахиу, Улиастай, Алдархаан, Идэр, Эрдэнэхайрхан, Яруу сумдын нутгаар олон жилийн стандарт дунджийн орчим тунадас орсон.

Салхи(Wind): Энэ 10 хоногт нийт нутгаар салхины дундаж их хурд  4-10 м/с байлаа.  Зарим сумдын нутгаар түр зуур өрөвхийлэлтээр  12-14 м/с хүрч салхиласан.

Цасан бүрхүүл(Snow):   Нийт нутгаар цас орж цасан бүрхүүл тогтож 0-7см цастай, зарим сумдын нутгаар цасны дундаж нягт 0.08-0.22г/см³  байна.

МАА-н үйлдвэрлэлд:. Цаг агаарын нөхцлөөс шалтгаалж малын бэлчээрлэлт саатсан өдөр байхгүй. Мал оторлох ажил үргэлжилж байна. Отгон сумд 203 мал хорогдсон.

ТОЙМ БИЧСЭН ХЭЛТСИЙН ДАРГА, ХААЦУЕТ ИНЖЕНЕР  Д.УРАНЧИМЭГ