2023 оны 3 дугаар сарын сүүлийн арав хоногийн хөдөө аж ахуйн цаг уурын тойм

2023 оны 3-р сарын 3-р арав хоногийн

цаг агаарын тойм

    2023 оны 4-р сарын 1

Агаарын температур(Air temperature): Нийт сумдын нутгаар агаарын дундаж температур -0.6….-11.7 градус хүйтэн,  хамгийн их температур өдөртөө 6 ... 17 градус дулаан, хамгийн бага температур шөнөдөө -17 ... -33 градус, хамгийн хүйтэн нь Баянтэс сумд -33 градус, Отгон, Цэцэн-Уул, Тосонцэнгэл,  Баянхайрхан, Идэр, Тэлмэн, Яруу сумдад -27... -30 градус хүрч хүйтэрсэн байна.

Хөрсний температур(Soil temperature): Энэ арав хоногт нийт нутгаар хөрсний дундаж температур -10 градус хүйтнээс 3 градус дулаан, хамгийн их температур өдөртөө  13 ... 35 градус, хамгийн бага температур шөнөдөө -18 ... -34 градус,  хамгийн хүйтэн нь Баянхайрхан сумд -34 градус, Отгон сумд -33 градус, Баянтэс сумд сумд -32 градус хүрч хүйтэрсэн байна.

Хур тунадас(Precipitаtion) Энэ арав хоногт ихэнх нутгаар 1-2 хоног тунадас орж 0.0-3.9 мм тунадас орсон бол  хамгийн их нь сумд Шилүүстэй сумд 3,9 мм, Улиастай сумд 3,1 мм тунадас орсон байна. Тосонцэнгэл, Их-уул, Сантмаргац сумдад тунадас ороогүй байна.

Салхи(Wind): Нийт нутгаар 21, 30-31ны өдрүүдэд нилээдгүй салхи шуургатай салхины хамгийн их хурд  өрөвхийлөлтөөр 12-28 м/с, хүрч  шуурлаа. Хамгийн их нь Дөрвөлжин сумд 28 м/с хүрсэн байна.

Цасан бүрхүүл: Сумын төв орчимдоо Баянтэс 10см, Баянхайрхан 5см цастай, Улиастай, Тосонцэнгэл, Их-уул, Сонгино, Тэлмэн, Яруу сумдад 1-4 баллын цасан бүрхүүлтэй байна.  Нөмрөг, Баянтэс сумдын 4 зүгт 6-20см Баянхайрхан сумын баруунаас бусад, Тэс сумын өмнөөс бусад чиглэлдээ 5-10см, Цэцэн-уул, Алдархаан, Цагаанчулуут сумдын зүүн талаар, Эрдэнэхайрхан сумын хойд болон зүүн талаар 1-2см цастай байна.

МАА-н үйлдвэрлэлд:. Нийт сумдын нутгаар бог мал төллөж, малд нэмэгдэл тэжээл өгөх ажил үргэлжилсээр байна.

Цасан бурхүүл арилсан бүс нутгаар өнгөрсөн онд газрын гарц муу байсан, одоогоор бэлчээрийн ургамал цухуйгаагүй байгаагаас өвөлдөө зудын эрсдлийн үнэлгээгээр  Цагаанаар зудтай буюу зудархуу, нэн эрсдэлтэй гэж үнэлэгдсэн ихэнх сумдын нутгаар хаваржилт хүнд, өвс тэжээлийн хомсдолтой, нэмэгдэл өвс тэжээлийн дутагдалтай, малын хорогдол гарсан хэвээр байна.

            Дөрвөлжин-7742, Цэцэн-уул-9200, Завханмандал-2128, Баянхайрхан-2380, Сантмаргац-5104, Сонгино-2496, Түдэвтэй-1660, Ургамал-2194, Цагаанчулуут-4164, Яруу-3055 толгой мал тус тус хорогдсон мэдээтэй байна.

                                                              ТОЙМ БИЧСЭН: ЦУОТХ-ИЙН ДАРГА, ХААЦУЕТИ                 Д.УРАНЧИМЭГ