2021 оны 6 дугаар сарын эхний арав хоногийн ХААЦУ-ын тойм

                                          2020 оны 6-р сарын 1-р арав хоногийн

цаг агаарын тойм

        2021 оны 6-р сарын 11

Агаарын температур(Air temperature): Нийт сумдын нутгаар агаарын дундаж температур 8.9-17.8 градус дулаан, хамгийн их температур өдөртөө 23-29 градус дулаан, хамгийн бага температур шөнөдөө 9 градусын хүйтнээс 1 градус дулаан байлаа.

Хөрсний температур(Soil temperature): Энэ арав хоногт нийт нутгаар хөрсний дундаж температур 14-24 градус дулаан байсан бол хамгийн их температур ихэнх нутгаар 43-60 градус дулаан, хамгийн бага температур шөнөдөө 1-8 градусын хүйтэн  байлаа. Хамгийн хүйтэн нь Отгон, Түдэвтэй сумдад 8 градус хүрч хүйтэрсэн байна.

Хур тунадас(Precipitаtion) Энэ арав хоногт ихэнх сумдын нутгаар 2-6 хоног их бага хэмжээний хур тунадас орж  0,0-8,4 мм тунадас орлоо. Хамгийн их нь Нөмрөг, Идэр сумдад 8,4мм тунадас орсон бол хамгийн бага нь Дөрвөлжин, Алдархаан, Ургамал, Шилүүстэй сумдад 0,0мм тунадас орлоо.

Салхи(Wind): Энэ 10 хоногт нийт нутгаар явган шороон шуургатай 10м/с их салхитай хоногийн тоо 1-6 хоног үргэлжилж,  салхины дундаж их хурд  10-14 м/с, зарим нутгаар түр зуур өрөвхийлэлт ажиглагдаж 16-21м/с хүрч ширүүссэн байна. Хамгийн их нь Дөрвөлжин сумд  21м/с, Тэс, Улиастай, Тэс сумдын нутгаар 20м/с хүрч өрөвхийлсэн  байна.

Ургамалжилтын байдал: Нийт нутгаар бэлчээрийн ургамлын цухуйлтын үе шат үргэлжилж, зарим сумдын нутгаар үетэн ургамлуудын түрүүлэлт залаалалтын үе шат илэрч  ургамлын дундаж өндөр 4-12см, ургамлын ургалтын байдал нийт нутгийн 60 орчим хувь нь сайн, 40 орчим хувь нь дунд буюу хэвийн үнэлгээтэй байна.

МАА-н үйлдвэрлэлд:. Нийт нутгаар мал хөнгөлөх,хонь хяргах, малд тарилга хийх, туулга өгөх ажил явагдаж байна. Цаг агаарын нөхцөл байдлаас шалтгаалан малын бэлчээрлэлт саатсан хоног байхгүй.