2017 оны 12 дугаар сарын 1-р арав хоногийн ХААЦУ-н тойм мэдээ2

2017 оны 12-р сарын 1-р арав хоногийн

цаг агаарын тойм

        2017 оны 12-р сарын 01

Агаарын температур: Энэ арав хоногт агаарын дундаж температур говийн болон нутгийн өмнөд хэсгээр 15-20 градус хүйтэн, бусад нутгаар 21-25 градус, Баянтэс, Цэцэн-уул, Сантмаргац сумдын нутгаар 28...29 градус хүйтэн байлаа

Өдөртөө нутгийн өмнөд хэсгээр 5-10 градус хүйтэн, бусад нутгаар 10-15 градус, Баянтэс, Цэцэн-уул сумдад 19,,,20 градус, хүйтэн, шөнөдөө ихэнх нутгаар 28-32 градус, Баянтэс, Цэцэн-уул, Тосонцэнгэл, Тэс, Яруу сумдын нутгаар 33-38 градус хүйтэн, хамгийн хүйтэн нь Цэцэн-уул суманд 39 градус хүрч хүйтэрсэн байна.

Хөрсний температурын хувьд: Энэ арав хоногт хөрсний дундаж температур говийн болон нутгийн өмнөд хэсгээр 16-21 градус хүйтэн, бусад нутгаар 22-27 градус хүйтэн, Цэцэн-уул, Тэссумдын нутгаар 28-29градус хүйтэн, өдөртөө ихэнх нутгаар 2-7 градус хүйтэн, Цэцэн-уул, Баянтэс, Яруу сумдын нутгаар 12-14 градус хүрч хүйтэрсэн, шөнөдөө ихэнх нутгаар 30-35 градус хүйтэн, Баянтэс, Тосонцэнгэл, Түдэвтэй, Тэлмэн, Яруу сумдын нутгаар 36-38 градус хүйтэн, хамгийн хүйтэн нь Цэцэнуул  суманд -46 градусын хүйтэн байна.

Хур тунадас: Энэ арав хоногт нийт нутгаар цас орж  0,0-2,2 мм тунадас орсон. Хамгийн их нь Баянтэс суманд 2,2 мм, Сонгино, Яруу сумын нутгаар 1,1 мм тунадас орсон байна.

Салхи: Энэ арав хоногт салхины хүч харьцангуй тогтуун байсан байна. Нийт нутгаар 2-8м/с, зарим үед түр зуур ширүүсч өрөвхийлэлтээр 10-11 м/с хүрч  салхилсан. Улиастай, Отгон, Тэлмэн, Яруу сумдад 10м/с-ээс дээш салхитай өдрийн давтагдал 1 удаа ажиглагдсан.

Цасан бүрхүүл: Дөрвөлжин, Алдархаан, Шилүүстэй, Отгон сумдад цасан бүрхүүл тогтоогүй, бусад нутгаар 1-17 см зузаан цасан бүрхүүлтэй байна. Баянтэс, Цэцэн-уул, Баянхайрхан, Сонгино, Түдэвтэй, Тэс сумдын нутгаар 10-17 см зузаан, нягт нь 0,09-0,18 гр/см³ байна. Хамгийн их нь  Сонгино сум 17 см цастай байна.Дөрвөлжин сум сумын төвдөө 1см цастай багуудаараа цасан бүрхүүлгүй. Алдархаан сум зүүн талдаа цасан бүрхүүл тогтсон 5см цастай бусад багаараа цасгүй байна.