2018 оны 11 дүгээр сарын сүүлийн арав хоногийн ХААЦУ-ын тойм мэдээ

                                            2018 оны 11-р сарын 3-р арав хоногийн

цаг агаарын тойм

        2018 оны 12-р сарын 02

Агаарын температур:

Энэ арав хоногт агаарын дундаж температур Говь талын нутгаар 8-12 градус хүйтэн, бусад нутгаар 14-19 градус хүйтэн, нийт нутгаар уур амьсгалын дунджаас 2.1-6.1 градусаар дулаан байлаа. Өдөртөө -2 градус хүйтнээс 5  градус дулаан, шөнөдөө -19 ... -30 градус, хамгийн хүйтэн нь Цэцэн-уул, Баянтэс -30 градус байлаа.

Хөрсний температурын хувьд:

Энэ арав хоногт хөрсний дундаж температур говь талын нутгаар 8-13 градус хүйтэн, бусад нутгаар 14-20 градус хүйтэн, Өдөртөө 2 градус хүйтнээс 12 градус дулаан дулаан,  шөнөдөө -21 ...-33 градус хүйтэн байлаа.

Хур тунадас:  

Энэ арав хоногт Дөрвөлжин, Ургамал сумдын нутгаар тунадас ороогүй, бусад нутгаар 0.0-0.4 мм тунадас орсон бөгөөд уур амьсгалын дунджаас бага тунадас орсон байна.

Салхи:

Энэ 10 хоногт нийт нутгаар салхины дундаж их хурд 12-19 м/с, түр зуур 20-27 м/с, Улиастай 27 м/с, Дөрвөлжин, Цэцэн-уул, Түдэвтэй, Ургамал, Эрдэнэхайрхан сумдад 24 м/с хүрч салхилсан байна.

Цасан бүрхүүл: Дөрвөлжин, Завханмандал, Сантмаргаз, Сонгино, Ургамал, Эрдэнэхайрхан сумдын нутгаар цасан бүрхүүл байхгүй.

Улиастай 8 см, Яруу 8 см, Баянтэс 7 см, Баянхайрхан 6 см, Тэс, Цэцэн-уул 4 см, Тосонцэнгэл, Идэр 3 см, Цагаанчулуут 2 см,  Отгон, Их-уул, Цагаанхайрхан 1 см зузаан цасан бүрхүүлтэй, цасны дундаж нягт Баянтэс 0.22 г/см³, Улиастай 0.11 г/см³, Баянхайрхан 0.08 г/см³, Яруу 0.15 г/см³ байлаа. Нөмрөг, Алдархаан, Сонгино, Түдэвтэй, Тэлмэн, Шилүүстэй сумууд уулаараа болон уулын ар хэсэг цастай байна. Энэ арав хоногт салхи шуурга ихтэй байсан тул гуу жалгандаа хунгартай, зарим тал хээр газраа тарлантсан байна.

Хөдөө аж ахуйн үйлдвэрлэлд:

Ихэнх сумдын нутгаар малчид отор нүүдэл хийх, малд нэмэгдэл тэжээл өгөх ажил хийгдэж байна.

                                                                     Тойм бичсэн: ХААЦУ-ын ахлах техникч М.Өсөхбаяр