2019 оны 1 дүгээр сарын сүүлийн арав хоногийн ХААЦУ-ын тойм мэдээ

                                            2019 оны 1-р сарын 3-р арав хоногийн

цаг агаарын тойм

        2019 оны 2-р сарын 01

Агаарын температур:

Энэ арав хоногт агаарын дундаж температур нийт нутгаар -14,6...-29,4 градус, уур амьсгалын дундажтай харьцуулхад Ургамал уур амьсгалын дунджаас 2,2 градусаар хүйтэн, бусад нутгаар УА-ын дунджаас 1,6-6,8 градусаар дулаан байлаа. Өдөртөө -3 ... -16 градус хүйтэн, шөнөдөө -27 ... -41 градус, хамгийн хүйтэн нь Цэцэн-уул -41, Баянтэс, Их-уул, Тэс, Яруу -40,  30 градусаас хүйтэн хоногийн тоо 1-11 удаа байлаа.

Хөрсний температурын хувьд:

Энэ арав хоногт хөрсний дундаж температур нийт нутгаар 17 ... 30 градус хүйтэн, Өдөртөө 2 градус дулаанаас 11 градус хүйтэн,  шөнөдөө -27 ...-42  градус, хамгийн хүйтэн нь Баянтэс, Цэцэн-уул, Отгон, Түдэвтэй, Тэс -42, Тосонцэнгэл, Улиастай, Сантмаргаз  -40, 40 градусаас хүйтэн хоногийн тоо 1-3 удаа байлаа.

Хур тунадас:  

Энэ арав хоногт Дөрвөлжин,  Отгон сумдын нутгаар тунадас ороогүй, бусад нутгаар 0.0-1.6 мм тунадас орсон бөгөөд уур амьсгалын дундажтай харьцуулхад Нөмрөг, Завханмандал, Сантмаргаз, Ургамал, Эрдэнэхайрхан УАД-аас ахиу, Баянхайрхан УА-ын дундаж орчим, бусад нутгаар УАД-аас бага хур тунадас орсон байна.

Салхи:

Энэ 10 хоногт нийт нутгаар салхины дундаж их хурд 4-12 м/с, түр зуур 14-16 м/с байсан бөгөөд хамгийн их нь Баянхайрхан, Яруу 16 м/с, Нөмрөг, Завханмандал 15 м/с салхитай, 10 м/с-ээс их салхитай өдрийн тоо 1-5 удаа байлаа.

Цасан бүрхүүл: Нийт сумдын нутгаар 1-10 см цасан бүрхүүлтэй, цасны дундаж нягт 0.11-0.23 г/см³ байна.

Хөдөө аж ахуйн үйлдвэрлэлд:

Ихэнх сумдын нутгаар малчид отор нүүдэл хийх, малд нэмэгдэл тэжээл өгөх ажил үргэлжиж байна.

                                          Тойм бичсэн: ХААЦУ-ын ахлах техникч М.Өсөхбаяр