2019 оны 6 дугаар сарын дунд арав хоногийн ХААЦУ-ын тойм мэдээ

2019 оны 06 дугаар сарын 2 дугаар арав хоногийн цаг агаарын тойм

        2019 оны 06-р сарын 21

Агаарын температур: Нийт сумдын нутгаар агаарын дундаж температур 13.4 ... 20.5 градус дулаан бөгөөд нийт сумдын нутгаар ОЖД-аас 2.8 -9.4 градусаар дулаан байлаа.

Хамгийн их температур өдөртөө 21-33 градус,  хамгийн бага температур шөнөдөө 0-10 градус дулаан байлаа. Дөрвөлжин, Баянтэс, Завханмандал, Сантмаргаз, Сонгино, Тэс, Ургамал сумдын нутгаар 30 градусаас давж 1-3 өдөр дулаарсан байна.

Хөрсний температурын хувьд: Энэ арав хоногт нийт сумдын нутгаар хөрсний дундаж температур 18 .... 28 градус дулаан, хамгийн их температур өдөртөө 48 .... 62 градус дулаан бөгөөд хамгийн бага температур шөнөдөө  -1 хүйтнээс 8 градус дулаан байлаа. Нийт сумдын нутгаар 40 градусыг  давж 4-9 өдөр халсан байна.

Хур тунадас: Нийт сумдын нутгаар 3-9 удаагийн оролтоор 10.8 - 54.0 мм тунадас орсноос хамгийн их нь Шилүүстэй суманд 54.0 мм, Отгон суманд 39.5 мм, Идэр суманд 35.5 мм тунадас орсон бөгөөд уур амьсгалын дундажтай харьцуулхад нийт сумдын нутгаар ахиу тунадас орсон байна.

Салхи: Салхины дундаж их хурд  6-14 м/с байсан ба зарим үед салхины хүч ширүүсч түр зуур өрөвхийлэлтээр  15-18 м/с хүрч салхилсан бөгөөд хамгийн их нь Дөрвөлжин 18 м/с, Завханмандал 17 м/с, бага нь Яруу суманд 6 м/с , Сонгино суманд 8 м/с бөгөөд бусад нутгаар 10 м/с-ээс их  салхитай өдрийн тоо 1-9 хоног байлаа.

Бэлчээрийн ургамлын ургалтын байдал:  Нийт сумдын нутгаар зуншлагын байдал хэвийн байна. Бэлчээрийн ургамалын дундаж  өндөр 4-21 см байна.

МАА-н үйлдвэрлэлд:  Малчид хонины ноос хяргах, хөөвөр хялгас авах ажил явагдаж  байна.

                                                                 ТОЙМ БИЧСЭН: ХААЦУ-ын ахлах техникч    М.Өсөхбаяр