2019 оны 8 дугаар сарын сүүлийн 10 хоногийн ХААЦУ-ын тойм

             2019 оны 08 дугаар сарын 3-р арав хоногийн

  цаг агаарын тойм

        2019 оны 09-р сарын 02

Агаарын температур: Нийт сумдын нутгаар агаарын дундаж температур 12.6 ... 22.1 градус дулаан бөгөөд олон жилийн дундажтай харьцуулахад нийт сумдын нутгаар олон жилийн дунджаас дулаан байлаа. Хамгийн их температур өдөртөө  25-33 градусын дулаан байсан бол  хамгийн бага температур шөнөдөө 2 градус хүйтнээс 6 градус дулаан байлаа.

Хөрсний температурын хувьд: Энэ арав хоногт нийт сумдын нутгаар хөрсний дундаж температур 14 .... 28 градус дулаан, хамгийн их температур өдөртөө 49 .... 59 градус дулаан,  40 градусаас их халсан хоногийн тоо 11 өдөр байна. Хамгийн бага температур шөнөдөө 5 градус хүйтнээс 5 градус дулаан байлаа.

Хур тунадас:  Дөрвөлжин, Завханмандал, Алдархаан, Сантмаргаз, Сонгино, Тэс, Ургамал сумдаар тунадас ороогүй бусад сумдын нутгаар 1-3 удаагийн оролтоор 0.0-2.0 мм тунадас орсон байна. Хамгийн их нь Цагаанчулуут 2.0 мм, Отгон 1.6 мм, Цагаанхайрхан 1.0 мм, Шилүүстэй 0.6 мм, Нөмрөг 0.2 мм  тунадас орсон бөгөөд бусад сумын нутгаар 0.0 мм тунадас орсон байна. Олон жилийн дундажтай харьцуулахад нийт сумдын нутгаар олон жилийн дунджаас бага тунадас орсон байна.

Салхи: Энэ 10 хоногт нийт нутгаар салхины дундаж их хурд  6-12 м/с байсан ба зарим үед салхины хүч ширүүсч түр зуур өрөврийлэлтээр  14-15 м/с хүрч салхилсан бол 10 м/с-ээс их  салхитай өдрийн тоо 1-6 хоног байсан байна.

Бэлчээрийн ургамлын ургалтын байдал:  Нийт сумдын нутгаар бэлчээрийн ургамлын  өндөр 6-30 см, Нийт нутгийн 95 орчим хувь нь зуншлагa сайн буюу хэвийн, 5 орчим хувь нь гандуу байна.

МАА-н үйлдвэрлэлд: Нийт сумдын нутгаар хадлан тэжээл бэлтгэх, мал оторлох ажил явагдаж байна.

Тойм бичсэн: ХААЦУ-ын ахлах техникч                             М.Өсөхбаяр