2019оны 8 дугаар сарын дунд 10 хоногийн ХААЦУ-ын тойм

2019 оны 08-р сарын 2-р арав хоногийн

цаг агаарын тойм

        2019 оны 08-р сарын21

Агаарын температур: Нийт сумдын нутгаар агаарын дундаж температур 10.5 ... 19.8 градус дулаан бөгөөд олон жилийн дунджтай харьцуулахад аймгийн хэмжээнд олон жилийн дунджаас дулаан байсан байна. Нөмрөг, Баянтэс, Цэцэн-уул, Тосонцэнгэл, Завханмандал, Баянхайрхан, Сонгино, Түдэвтэй, Тэлмэн, Тэс сумдад олон жилийн дунджийн орчим бусад сумдын нутгаар  олон жилийн дунджаас дулаан байсан байна. Хамгийн их температур нь  21-32 градусын дулаан байсан бол  хамгийн бага температур 0-6 градус дулаан байлаа.

Хөрсний температурын хувьд: Энэ арав хоногт нийт сумдын нутгаар хөрсний дундаж температур 15....26 градус дулаан, хамгийн их температур 43.....56 градус дулаан,  40 градусаас их халсан хоногийн тоо 1-9 өдөр байсан байна. Хамгийн бага температур нь 2 градус хүйтнээс 4 градус дулаан байлаа. Цэцэн-уул, Шилүүстэй сумдад 2 градус, Баянхайрхан, Яруу сумдад 1 градус хүрч хүйтэрсэн байна.

Хур тунадас:       Нийт сумдын нутгаар 3-5 удаагийн оролтоор 0.0-23,4 мм тунадас орсон байна. Хамгийн их нь Баянтэс сумд 23,4мм тунадас орсон бол хамгийн бага нь Отгон  сумд 0,0мм, Шилүүстэй сумд 0,8мм тунадас орсон байна. Олон жилийн дунджтай харьцуулахад аймгийн хэмжээнд олон жилийн  дунджаас бага хур  тунадас орсон бол Баянтэс, Завханмандал, Улиастай, Баянхайрхан, Тэлмэн, Тэс, Эрдэнэхайрхан сумдад олон жилийн дундажаас ахиу, Цэцэн-уул, Их-уул, Сонгино, Яруу сумдад олон жилийн дунджийн орчим бусад сумдын нутгаар олон жилийн дунджаас бага тундас орсон байна.

Салхи: Энэ 10 хоногт нийт нутгаар салхины дундаж их хурд  8-12 м/с байсан ба зарим үед салхины хүч ширүүсч түр зуур өрөврийлэлтээр  14-16 м/с хүрч салхилсан байна.  Алдархаан, Яруу сумдаас бусад нутгаар  10 м/с-ээс их  салхитай өдрийн тоо 1-8 хоног байсан байна.

Бэлчээрийн ургамлын ургалтын байдал:  Нийт сумдын нутгаар бэлчээрийн ургамлын  өндөр 6-29см, Нийт нутгийн 95% нь зуншлагa сайн буюу хэвийн, 5% гандуу байна. Бэлчээрийн ургамал үзүүр хэсгээсээ шарлаж хатаж гандах төлөвтэй байна.

МАА-н үйлдвэрлэлд: Нийт сумдын нутгаар хадлан тэжээл бэлтгэх, мал оторлох ажил явагдаж байна.

ТОЙМ БИЧСЭН: ХЭЛТСИЙН ДАРГА БӨГӨӨД ХААЦУЕТИНЖЕНЕР                             Д.УРАНЧИМЭГ