2021 оны 4 дүгээр сарын эхний арав хоногийн ХААЦУ-ын тойм

                                             2020 оны 4-р сарын 1-р арав хоногийн

цаг агаарын тойм

        2021 оны 4-р сарын 11

Агаарын температур(Air temperature): Нийт сумдын нутгаар агаарын дундаж температур 3.7 градус дулаанаас 3.3 градус хүйтэн, хамгийн их температур өдөртөө 10-15 градус дулаан, хамгийн бага температур шөнөдөө 9-16 градусын хүйтэн байлаа. Хамгийн хүйтэн нь Баянхайрхан сумд 16  градус хүрч хүйтэрсэн. Агаарын дундаж температурыг олон жилийн стандарт дундажтай харьцуулахад ихэнх нутгаар олон жилийн  дунджаас дулаан, Дөрвөлжин, Завханмандал сумдад олон жилийн дунджийн орчим дулаан байлаа.

Хөрсний температур(Soil temperature): Энэ арав хоногт нийт нутгаар хөрсний дундаж температур 9 градус дулаанаас 2 градус хүйтэн байсан бол хамгийн их температур ихэнх нутгаар 15-39 градус дулаан, хамгийн бага температур шөнөдөө 10-20 градусын хүйтэн  байлаа. Хамгийн хүйтэн нь Баянхайрхан сумд 20 градус хүрч хүйтэрсэн байна.

Хур тунадас(Precipitаtion) Энэ арав хоногт зарим сумдын нутгаар 1-2 хоног хур тунадас орж  0,0-7,8 мм тунадас орлоо. Хамгийн их нь Идэр сумд 7,8 мм тунадас орсон бол Отгон сумд тунадас ороогүй байна.

Олон жилийн стандарт дундажтай харьцуулахад: Ихэнх нутгаар олон жилийн дунджаас бага тунадас орсон бол Завханмандал, Идэр, Ургамал, Эрдэнэхайрхан сумдын нутгаар олон жилийн дунджаас ахиу, Сантмаргаз, Түдэвтэй сумдын нутгаар олон жилийн дунджийн орчим тундас орлоо.

Салхи(Wind): Энэ 10 хоногт нийт нутгаар 10м/с их салхитай хоногийн тоо 1-5хоног,  салхины дундаж их хурд  8-12 м/с, зарим нутгаар түр зуур өрөвхийлэлт ажиглагдаж 14-16м/с, хамгийн их нь, Цагаанчулуут сумын нутгаар  16м/с хүрч өрөвхийлсэн  байна.

Цасан бүрхүүл(Snow):   Нийт нутгаар цасан бүрхүүл арилж уулархаг нутгийн уулаараа цастай байсан бол 10-ны үдээс хойшдоо буюу шөнөдөө ихэнх нутгийг хамарсан хур тунадас буюу цас орж 11ний өглөөний 08 цагийн мэдээгээр ихэнх нутгаар цасан бүхрүүл тогтоож 0-24см цастай байлаа. 10нд Цаг агаарт зориудаар нөлөөлж тундасны хэмжээг нэмэгдүүлсэн болно.

Ургамалжилтын байдал: Нөмрөг, Баянтэс, Цэцэнуул, Улиастай, Тэлмэн сумдын нутгаар үетэн ургамлын цухуйлтын үе шат эхэлсэн бусад сумдын нутгаар үе шат илэрээгүй байна.

МАА-н үйлдвэрлэлд:. Нийт нутгаар бог бод мал  төллөх ажил явагдаж байна. Цаг агаарын нөхцлөөс шалтгаалж малын бэлчээрлэлт саатсан өдөр байхгүй.

                ТОЙМ БИЧСЭН ХЭЛТСИЙН ДАРГА, ХААЦУЕТ ИНЖЕНЕР  Д.УРАНЧИМЭГ