2022 оны 5 дугаар сарын эхний арав хоногийн ХААЦУ-ын тойм мэдээ

                                                   2022 оны 5-р сарын 1-р арав хоногийн

цаг агаарын тойм

    2022 оны 5-р сарын 11

Агаарын температур(Air temperature): Нийт сумдын нутгаар агаарын дундаж температур 7.3 …13.6 градус дулаан, хамгийн их температур өдөртөө 18 - 25 градус дулаан, хамгийн бага температур шөнөдөө 2-13 градус хүйтэн байлаа. Хамгийн их хүйтрэлт Баянтэс, Идэр, Цэцэн-уул, Сонгино сумдад  12-13 градус хүрч хүйтэрсэн байна.

Хөрсний температур(Soil temperature): Энэ арав хоногт нийт нутгаар хөрсний дундаж температур 7-21 градус дулаан, хамгийн их температур өдөртөө 33-50 градус дулаан, хамгийн бага температур шөнөдөө 2-14 градус хүйтэн, хамгийн их хүйтэн Баянтэс, Цэцэн-уул, Сонгино, Тэс сумдад 14 градус хүйтэн байлаа.

Хур тунадас(Precipitаtion) Энэ арав хоногт нийт нутгаар 0.0-6.4 мм тунадас орсон байна. Хамгийн их нь Тосонцэнгэл 6.4 мм, Их-Уул 6.1 мм, Эрдэнэхайрхан 4.3 мм, Улиастай 2.8 мм тунадас орсон бол хамгийн бага нь Дөрвөлжин, Баянтэс, Сантмарагз, Шилүүстэй сумдад  0.0 мм тунадас орсон байна.

Салхи(Wind): Нийт нутгаар салхи ихтэй, салхины  дундаж их хурд  8-16 м/с, ихэнх сумдын нутгаар түр зуур өрөвхийлэлтээр 18-22 м/с хүрч салхилсан байна. Хамгийн их өрөвхийлэлт Дөрвөлжин сумд 22 м/с, Нөмрөг сумд 21м/с хүрсэн байна.

Бэлчээрийн ургамлын ургалтын байдал: Ихэнх нутгаар бэлчээрийн ургамлын цухуйлтын үе шат жигдэрч ургамлын дундаж өндөр 1-5 см байна. Дөрвөлжин сумд монгол сонгино, Тэлмэн сумд саман ерхөг цухуйгаагүй. Ургамалын ургалтын байдал хэвийн байна.

МАА-н үйлдвэрлэлд:. Бод мал төллөх, мал хөнгөлөх, малчид ямаагаа самнах ажил явагдаж байна. Цаг агаарын байдал тохиромжтай.

ТОЙМ БИЧСЭН ХААЦУ-ын ахлах техникч М.Өсөхбаяр